Ульяновскида "Татар кызы-2019" катнашучыларының аш-суга осталыкларын тикшерәләр

Быел матурлык һәм сәләтлелек бәйгесендә Ульяновск өлкәсенең 11 туташы ярышачак.
(Казан, 17 март, "Татар-информ"). Бүген Ульяновск шәһәрендә "Татар кызы-2019" бәйгесендә катнашучыларның аш-суга осталыкларын тикшерәчәкләр. Бу хакта өлкәкүләм конкурсның социаль челтәрдәге сәхифәсендә хәбәр ителә. 
 
Быел матурлык һәм сәләтлелек бәйгесендә Ульяновск өлкәсенең 11 туташы ярышачак. 
 
Икенче этап 6 апрельгә билгеләнгән. Анда кызларны спорт ягыннан тикшереп караячаклар. 
 
Бәйгенең финал өлеше 14 апрель көнне уздырылачак. Анда җиңүче Ульяновск өлкәсен Халыкара бәйгедә тәкъдим итәчәк. 
 
Сүз уңаеннан, "Тамашачы мәхәббәте" номинациясендә җиңүчене ачык тавыш бирү юлы белән ачыклыйлар. Хәзер "Татар кызы-2019. Ульяновск" төркемендә һәр кеше үз фикерен белдерә ала.