Калугада Татарстан мәдәнияте көнен билгеләп үтәчәкләр

Бәйрәм вакытында кунакларны милли татар ризыклары белән сыйлаячаклар, милли киемнәр белән таныштырачаклар.

(Казан, 17 февраль, «Татар-информ»). Калуга өлкәсенең яшьләр үзәге 23 февральдә 14.00 сәгатьтә Татарстан милли мәдәнияте көне үткәрәчәк. Бу хакта Бөтендөнья татар конгрессы матбугат хезмәте хәбәр итә.

Күптәннән килгән традиция буенча, Калуга өлкәсе территориясендә яшәүче татар диаспорасы бу көнне бәйрәм кунакларына үзенең милли мәдәниятен төрле яктан тәкъдим итәчәк.

Бәйрәм вакытында кунакларны милли татар ризыклары белән сыйлаячаклар, милли киемнәр белән таныштырачаклар.