Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татар конгрессы «Уйнагыз, гармуннар!»да катнашкан өчен Тямаевка рәхмәт белдерде
Фирдүс Тямаев Милләт җыенында да катнашыр дип көтелә.
(Казан, 16 сентябрь, «Татар-информ»). Бүген Бөтендөнья татар конгрессында Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев Татарстан Республикасының атказанган артисты Фирдүс Тямаев белән очрашты.
Милли шура рәисе җырчыга «Уйнагыз, гармуннар!» фестивале кысаларында чыгыш ясаганы өчен рәхмәтен җиткерде һәм киләчәктә дә милли проектларда актив катнашырга чакырды. Бу турыда конгрессның матбугат хезмәте хәбәр итте.
Исегезгә төшерәбез, быелгы бәйрәмдә 32 төбәктән 48 коллектив, меңгә якын кеше катнашты. Алар Камал театры каршындагы мәйданнан Бауман урамы буенча Кремльгә таба Сөембикә манарасына кадәр җырлап барды. Гармунчылар парадын Фирдүс Тямаев җитәкләде.
Шуны да әйтергә кирәк, Фирдүс Тямаевның шушы көннәрдә узачак Милләт җыенында да катнашуы көтелә.
Кызыклы яңалыкларны күзәтеп бару өчен Телеграм-каналга язылыгыз