Краснодар татарлары «Саламат» бәйрәменә чакыра

Чарада милли уеннар, бәйгеләр, көрәш буенча осталык дәресе, бәйрәм концерты булачак.

(Казан, 15 октябрь, «Татар-информ», Гадел Әхмәтҗанов). Краснодар краеның «Болгар-К» татар оешмасы 30 октябрь көнне «Саламат» бәйрәмен оештыра.

«Чарада милли уеннар, бәйгеләр, көрәш буенча осталык дәресе, бәйрәм концерты булачак. Кунаклар учакта пешкән плов һәм татар камыр ризыкларыннан авыз итә алачак», — дип хәбәр итә Краснодар краеның «Болгар-К» татар оешмасы үзенең Инстаграм аккаунтында.

Бәйрәм Кубань ярында 12.00 сәгатьтә башлана. Керү ирекле.