Төмәндә иң оста чәк-чәк пешерүчене сайлаячаклар

Җиңүчеләрне 23 октябрьдә бүләкләячәкләр.

(Казан, 15 октябрь, «Татар-информ»). Төмәндә иң оста чәк-чәк пешерүчене сайлаячаклар. «Чәк-чәк» конкурсына гаризалар 19 октябрьгә кадәр кабул ителә. Анда катнашырга кондитер-профессионаллар һәм аш-су осталары чакырыла. Бу хакта Бөтендөнья татар конгрессы матбугат хезмәте хәбәр итә.

Тавыш бирү онлайн-форматта ВКонтакте татар мәдәнияте үзәгенең рәсми битендә 19 октябрьдән 22 октябрьгә кадәр узачак. Җиңүчеләрне 23 октябрьдә бүләкләячәкләр.

Чара «Чәк-чәк party» Халыкара яшьләр акциясе һәм Төмән татар мәдәнияте үзәгенең 20 еллыгына багышланган бәйрәм чаралары кысаларында оештырылды.