Төркиядә татарча диктант язачаклар

Һәр теләгән кеше дә, диктант язуда катнашып, татар телен белү дәрәҗәсен тикшереп карый ала.

(Казан, 14 октябрь, "Татар-информ"). 19 октябрь  көнне Төркиядә "Татарча диктант" язачаклар. Бу хакта Бөтендөнья татар конгрессы матбугат хезмәте хәбәр итә.

"Татарча диктант” акциясе татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан үткәрелә. Һәр теләгән кеше дә, диктант язуда катнашып, татар телен белү дәрәҗәсен тикшереп карый ала.