Санкт-Петербургта Каюм Насыйрига багышланган лекция укыячаклар

Ул "Татар кунакханәсе" мәдәни-белем бирү проекты кысаларында үткәрелә.

(Казан, 13 ноябрь", "Татар-информ", Лилия Локманова). 18 ноябрь көнне Санкт-Петербург шәһәренең Милли әдәбият китапханәсендә "Каюм Насыйри – татар галиме һәм мәгрифәтчесе" дип исемләнгән лекция узачак.

Ул "Татар кунакханәсе" мәдәни-белем бирү проекты кысаларында үткәрелә. Лекцияне Санкт-Петербургтагы Каюм Насыйри исемендәге белем бирү-мәдәни үзәк институты укытучысы Альбина Фәхразиева укыячак.

Чара 12.00 сәгатьтә башланачак. Анда керү – ирекле, диелә хәбәрдә.