Алтай краенда төбәкара Сабан туена әзерлек эшләре тикшерелде

Алтай краенда Сабан туе 17 июньдә узачак.

(Казан, 13 июнь, "Татар-информ"). Алтай крае губернаторы вазыйфаларын вакытлыча башкаручы Виктор Томенко Алтай краенда Төбәкара Сабан туена әзерлек барышын тикшерү өчен Бирюзовая Катунь махсус икътисадый зонасына килде. Бу хакта "Бөтендөнья татар конгрессы" матбугат хезмәте хәбәр итә.

  • Алтай краенда Сабан туе 17 июньдә узачак.

Сабан туе узачак мәйданда аны Алтай крае Төбәк татар милли-мәдәни мохтарияте рәисе Әнвәр Солтанов һәм татар җыр-биюләре белән мохтарият әгъзалары каршы алды. Виктор Томенкога татар түбәтәе кидерелде, диелгән әлеге хәбәрдә.