Ростов татарлары "Әл-Бохари"га ифтар мәҗлесенә җыелган

Барлык килүчеләр өчен Җәмигъ мәчетенә экскурсия оештырылган һәм "Донда ислам" темасына лекция укылган.
(Казан, 12 июнь, "Татар-информ"). Узган якшәмбе, ягъни 10 июнь көнне, Ростов татарлары ифтар мәҗлесенә җыелган. Бу хакта Бөтендөнья татар конгрессы хәбәр итә.
 
Башта кунаклар шәһәрнең Җәмигъ мәчетендә җыелган. Барлык килүчеләр өчен мәчет буйлап экскурсия оештырылган һәм "Донда ислам" темасына лекция укылган.
 
Ифтар исә "Әл-Бохари" кафесында уздырылган. Ростовтагы ифтар мәҗлесендә "Якташлар" татар-башкорт оешмасының элеккеге рәисе Ришат Гәрәев чыгыш ясаган. Ул барлык милләттәшләребезне, кунакларны Рамазан ае белән котлаган. Милләтебезне, динебезне саклау мөһимлеген ассызыклап үткән. Моның өчен исә, аның сүзләренчә, татар халкына бергә булырга кирәк.
 
Шулай ук ифтарда Ростов өлкәсе мөселманнары Диния нәзарәте рәисе мөфти Җәгъфәр хәзрәт тә катнашкан.