Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Екатеринбургта татар теле курсларын тәмамлаучыларга сертификат тапшырдылар
Түләүсез курслар ел саен 15 гыйнварда башлана.
(Казан, 10 июнь, «Татар-информ»). Екатеринбургта татар теле курсларын тәмамлау турында сертификатлар тапшырылды.
Татарстан Республикасының Свердловск өлкәсендәге даими вәкиле Х.М.Гыйльфанов курсларны уңышлы узган тыңлаучыларга Казан федераль университетының «Татар теле — дәвам итә торган дәрәҗә» сертификатларын тапшырды. Бу турыда Вәкиллекнең матбугат хезмәте хәбәр итә.
Екатеринбургта Каюм Насыйри институтының белем бирү-мәдәни үзәге 2015 елның декабрендә «2014-2020 елларга Татарстан Республикасында дәүләт телләрен һәм башка телләрне саклау, өйрәнү һәм үстерү буенча Татарстан дәүләт программасы» чараларын гамәлгә ашыру кысаларында ачылды.
Белем бирү үзәге кыска вакыт эчендә татар телендә аралашу күнекмәләрен яшькә һәм милләткә карамыйча өйрәтү максатын куйган. Дәрескә йөрүчеләр арасында рус, казах, удмурт милләте кешеләре бар.
Дәресләр КФУның Филология һәм мәдәниятара коммуникацияләр институты доценты Л.Х.Шәяхмәтова методикасы буенча алып барыла. Аны гары категорияле татар теле һәм әдәбияты укытучысы Динария Алетдинова үткәрә. Түләүсез курслар ел саен 15 гыйнварда башлана.
Укучылар курслар оештыруда ярдәм иткән өчен Татарстан Республикасының Даими вәкиллегенә рәхмәт белдерде. Алар арасында студентлар, җирле үзидарә җитәкчеләре, клуб берләшмәләре җитәкчеләре, татар җәмәгатьчелеге вәкилләре бар.
Дәресләргә йөрүчеләрнең берсе Екатеринбург шәһәрендә вуз тәмамланганнан соң КФУ магистратурасына керергә планлаштыра.
Кызыклы яңалыкларны күзәтеп бару өчен Телеграм-каналга язылыгыз