news_header_top_970_100
16+
news_header_bot_970_100

Оренбург татарлары Фәрит Гыйбатдинов үлеме турында: Милләтпәрвәр якын дустыбыз китте

Аның якты истәлеге безнең йөрәкләрдә якты кояш кебек мәңге сакланыр, диелгән хәбәрдә.

Оренбург татарлары Фәрит Гыйбатдинов үлеме турында: Милләтпәрвәр якын дустыбыз китте
Бөтендөнья татар конгрессының матбугат хезмәте

(Казан, 8 июль, «Татар-информ»). «Оренбург татар милли-мәдәни мохтәрияте» региональ иҗтимагый оешмасы Фәрит Гыйбатдинов үлеме сәбәпле якыннарының һәм дусларының тирән кайгысын уртаклаша. Бу хакта Бөтендөнья татар конгрессы матбугат хезмәте хәбәр итә.

«Кичә иртән бу бик кызганыч хәбәр безне тетрәндерде. Милләтпәрвәр якын дустыбыз — иң якты, иң игелекле, иң талантлы, шат күңелле, тормыш сөючән кешебез китте. Фәрит Абдулла улы  Гыйбатдиновның урыны оҗмахта булсын. Аның якты истәлеге безнең йөрәкләрдә якты кояш кебек мәңге сакланыр», диелгән хәбәрдә.

autoscroll_news_right_240_400_1
autoscroll_news_right_240_400_2
news_bot_970_100