Пензада "Татар кызчыгы-2018" бәйгесе җиңүчесе мәгълүм

Катнашучларның барысына да дипломнар һәм истәлекле бүләкләр тапшырылган.
(Казан, 6 ноябрь, "Татар-информ"). Пензаның  "Ак калфак" татар хатын-кызлары оешмасы тарафыннан үткәрелгән "Татар кызчыгы" бәйгесендә ьиде кызчык көч сынашты. Бу хакта җирле татарларның автономиясе хәбәр итә. 
 
Конкурс татар халкының милли гореф-гадәтләрен саклауны максат итеп куя. Катнашучылар жюрига үзләренең аш-суга осталыкларын, җыр-бию, шигырь сөйләүгә сәләтләрен күрсәткән. Аш-су бәйгесендә татар кызлары пилмән бөккән. Соңрак, әниләре һәм әбиләре белән әзерләнгән милли ризыкларны тәкъдим иткән. 
 
Катнашучыларның барысы да дипломнар һәм истәлекле бүләкләргә ия булган. Беренче урынга исә Камилә Нәзирова лаек дип табылган.