Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әгерҗе районы Көчек авылында яшәүче «Татар кызы» бәйгесендә өч номинациядә җиңде
2 августта Ижевскида «Татар Кызы-2020» Республика конкурсының финалы узды.
(Әгерҗе, 5 август, «Татар-информ», «Әгерҗе хәбәрләре»). Әгерҗе районының Көчек авылы кызы Гүзәл Галиуллина «Татар кызы» конкурсыннан җиңү белән кайтты. Бу турыда район басмасы хәбәр итә.
2 августта Ижевскида «Татар Кызы-2020» Республика конкурсының финалы узды. Быел ул 9 нчы тапкыр үткәрелде. Бу чорда анда сиксәннән артык кыз катнашты, йөзләгән анкета каралды. Тугыз ай дәвамында катнашучылар тырышып һәм репетицияләр үткәреп финалга әзерләнделәр. Анда Көчек авылыннан Удмурт дәүләт университеты студенты Гүзәл Галиуллина да катнашты.
Ул «Иң зыялы кыз», шулай ук интернет аша тавыш бирү буенча «Тамашачылар мәхәббәте» һәм СМС-тавыш бирү буенча «Тамашачылар мәхәббәте» номинацияләрендә җиңү яулады.
Аның сүзләренчә, һәр катнашучы җиңүгә лаек. Әзерлек вакытында кызлар бик нык дуслашканнар һәм бер-берсенә ярдәм иткәннәр. Әлеге бәйге зур тәҗрибә алып килде, дип уртаклаша ул. Кыз конкурсны оештыручыларга һәм аеруча ярдәм итүләре өчен әти-әнисенә бик рәхмәтле булуын әйтте.
Конкурсның төп җиңүчесе 20 яшьлек Раилә Хөснуллина булды. Ул бүләккә планшет, зәркән эшләнмә, сертификат, калфак һәм җиңүче кубогына ия булды. Киләсе елда ул Үзбәкстанда узачак «Татар Кызы-2021» Халыкара татар кызлары конкурсында катнашачак.
Кызыклы яңалыкларны күзәтеп бару өчен Телеграм-каналга язылыгыз