Бөтендөнья татар конгрессының VI съезды делегатлары "Корстон"да күргәзмә белән таныша

Бүген - съезд программасының өченче көне.

(Казан, 4 август, "Татар-информ", Гөлнар Гарифуллина). Бүген Бөтендөнья татар конгрессының VI съездында катнашучылар өчен Татарстан Республикасының инновацион потенциалы күргәзмәсе тәкъдим ителә. Аның белән делегатлар Казанның "Корстон" комплексында таныша.

Аннан соң Татарстанның сәнәгать һәм социаль-икътисади объектларs презентацияләнәчәк. Делегатлар, өч төркемгә бүленеп, "Химград", "Казан-Арена" стадионы һәм Иннополиска барачак.

Төштән соң Казан буенча экскурсия оештырыла, кичен исә делегатлар һәм кунаклар Татарстанның сәнгать осталары концертын тамаша кылачак.