Җәмгыять 25 гыйнвар 2005 11:06

Ташламаларны акчага алмаштыру нәтиҗәсендә Татарстан транспорт предприятиеләренең кереме ике тапкыр артырга мөмкин

Скопировать ссылку

(Казан, 25 гыйнвар, "Татар-информ", Альбина Фәхрисламова). Агымдагы елның беренче кварталында республиканың транспорт предприятиеләрендә шәһәрнең җәмәгатьчелек транспорты тарифлары никадәр үзләрен аклаулары буенча аудит үткәреләчәк. Бу турыда узган шимбәдә ТР Премьер-министры җитәкчелегендәге хөкүмәт киңәшмәсендә игълан ителде.

Искә төшереп үтәбез, узган атнада республика буенча шәһәр транспортында йөрү бәяләрен "катыру" турында карар кабул ителгән иде. ТР икътисад һәм сәнәгать министры урынбасары Алевтина Кудрявцева "Татар-информ" агентлыгына биргән интервьюсында ТР Икътисади-социаль тикшеренүләр үзәге исәпләүләре буенча икътисади яктан нигезләнгән тариф 5 сум тәшкил итүе турында әйтте. Моңа карамастан, республиканың кайбер шәһәрләрендә бүген үк юл бәяләре күпкә кыйммәтрәк тора.

Тарифларның күләме турыдан-туры тармакны финанслауга бәйле. Быел ташламаларны акчалата компенсацияләр белән алмаштыру нәтиҗәсендә Татарстанда транспорт чыгымнарын каплау өчен республика һәм федераль ташламалардан файдаланучыларга һәм пенсионерларга 1,8 миллиард сум күләмендә субсидияләр бүлеп бирелгән. Чагыштыру өчен - узган ел республиканың транспорт предприятиеләре төрле дәрәҗәдәге бюджетлардан 867 миллион сум күләмендә дотацияләр алган.

Сәхифәләр

Ташламаларны акчага алмаштыру нәтиҗәсендә Татарстан транспорт предприятиеләренең кереме ике тапкыр артырга мөмкин