Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Тарифлар буенча дәүләт комитеты Татарстанда су һәм газ бәясе кыйммәтләнү хакында аңлатты
Торак-коммуналь хезмәтләр өчен тарифлар артуга карамастан, Татарстанда түләүләр күләме Идел буе федераль округының башка төбәкләре белән чагыштырганда артмаган. Бу хакта бүген Татарстан Республикасының Тарифлар буенча дәүләт комитеты рәисе Александр Груничев Казанда узган брифингта хәбәр итте.
«Түләүләр 6,2 процентка арта, бу башка округларга караганда югарырак, без Идел буе федераль округындагы уртача күрсәткечләр буенча күтәрелмәдек һәм шундый ук урыннарны алып торабыз. Бу алдагы тариф кампанияләрендә ставкаларның уртача күрсәткечләрнең башка федераль округларныкына караганда түбәнрәк булуы белән бәйле. Хәтта тарифлар болай артканда да без аларны куып җитә алмыйбыз», – диде ул.
1 июльдән халык өчен газга тариф 3 процентка, ягъни 18 тиенгә – 6,25 сумга кадәр арткан. Газ плитәсеннән файдаланучыларның күпчелеге өчен электр энергиясенә тарифның июль аенда үсеше 4,6 процент исәпләнә, ягъни 19 тиенгә арткан. Электр плитәләре буенча арту 8,5 процент (25 тиенгә арту). Авыл халкы өчен тариф 4,5 процентка (+13 тиен) күтәрелгән. Каты көнкүреш калдыкларын чыгаруга да тарифлар үсте.
Эчәргә яраклы суга тарифлар үсеше республика буенча халык өчен 6,9 процент тәшкил итәчәк. Июльдән бер кубометр су уртача 28,69 сум тора. 1 июльдән ташландык суларны агызуга уртача тариф 26 сум тәшкил итә, ул 9,2 процентка кыйммәтләнгән. Җылылык энергиясе 6,7 процентка артып, аның бәясе 2012,34 сум/Гкал булачак.
Кызыклы яңалыкларны күзәтеп бару өчен Телеграм-каналга язылыгыз