Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Түбән Каманың «Ихлас» лагерына йөрүче балалар янгын сүндерүче һөнәре белән танышты
7-13 яшьлек малайлар су сиптереп караган, сулыш аппараты баллонының авырлыгын бәяләгән, гидравлик авария-коткару коралын караган.
(Казан, 21 гыйнвар, «Татар-информ»). Каникул вакытында Түбән Каманың Җәмигъ мәчете мөхтәсибәте каршындагы «Ихлас» әхлакый тәрбия лагерына йөрүче балалар янгын сүндерүчеләр белән очрашкан.
Федераль янгынга каршы хезмәтнең Түбән Камада 33нче янгын-коткару бүлеге хезмәткәрләре аларга үз эшләренең нечкәлекләре турында сөйләгән. Моннан тыш, хәвеф урынына чыгу өчен җыену, янгын сүндергеч куллану, юл-транспорт һәлакәтендә коткару эшләренең ничек башкарылуын күрсәткән. Бу турыда Түбән Кама муниципаль районы рәсми сайтында хәбәр ителә.
7-13 яшьлек малайлар су сиптереп караган, сулыш аппараты баллонының авырлыгын бәяләгән, гидравлик авария-коткару коралын караган.
33нче янгын сүндерү-коткару часте башлыгы урынбасары Максим Николаев балаларның янгын сүндерүче һөнәре, экипировка һәм янгын-техник кораллану турындагы сорауларына җавап биргән. Ул көндәлек тормышта янгын куркынычсызлыгына җаваплы караш кирәклеге турында искә төшергән һәм янгын чыккан очракта ничек эш итәргә кирәклеге турында сөйләгән.
«Ихлас» лагерында тәрбияләнүчеләр һәм аларның укытучылары янгын сүндерүчеләргә экскурсия өчен рәхмәт белдергән.
Кызыклы яңалыкларны күзәтеп бару өчен Телеграм-каналга язылыгыз