Икътисад 30 март 2005 12:29

Түбән Кама заводы яңа җайланмага пар җибәрде

Скопировать ссылку

(Казан, 30 март, "Татар-информ"). Түбән Каманың "Татнефть-Нефтехим" холдингына керүче техник углерод заводында шәхси энергия җайланмасы җибәрелгән. 170 миллион сумлык проект ике ел дәвамында эшләнгән. Завод җайланманы җибәрү белән үзен электр энергиясе белән тәэмин итә һәм холдингның башка предприятиеләренә чагыштырмача арзан бәядән сата ала.

Җайланманың эшләү принцибы гади: энергия техник углерод җитештергәндә чыга торган пар исәбенә җитештерелә. Элек пар һавага очкан, хәзер ул электр энергиясе чыгару өчен кулланыла. "Татнефть-Нефтехим" директоры Заһит Шәрәфиев тагын бер энергия җайланмасы төзү планлаштырылу турында сөйләде. Проектны төзүгә республика Президенты теләктәшлек итүен, Татарстан Хөкүмәте һәм Татнефтьнең финанс яктан ярдәм итүен ассызыклап үтте.

Сәхифәләр

Түбән Кама заводы яңа җайланмага пар җибәрде