news_header_top_970_100
16+
news_header_bot_970_100

Свердловск өлкәсендә «Гомерем минем моңлы бер җыр иде» бәйгесенә гариза кабул итәләр

Свердловск өлкәсендә «Гомерем минем моңлы бер җыр иде» бәйгесенә гариза кабул итәләр
Фото: tatur.tatarstan.ru

Свердловск өлкәсендә «Гомерем минем моңлы бер җыр иде» нәфис сүз бәйгесенә гаризалар кабул итү башланды. Ул татар шагыйре, антифашист, Советлар Союзы Герое Муса Җәлилгә багышлана. Бәйге өлкә белән Татарстан Республикасы арасындагы хезмәттәшлек турында килешүне тормышка ашыру кысаларында уздырыла, дип хәбәр итә Татарстан Республикасының Свердловск өлкәсендәге даими вәкиллеге.

Бәйгенең максаты һәм бурычлары: Свердловск өлкәсендә һәм Россия Федерациясе төбәкләрендә яшәүчеләрнең сөйләм телен үстерү һәм нәфис сүзгә кызыксыну уяту; татар телен һәм мәдәниятен үстерү, саклау һәм аңа ярдәм итү; Муса Җәлилнең иҗади мирасын популярлаштыру.

Бәйге «Муса Җәлил әсәрләрен татар телендә башкару», «Муса Җәлил әсәрләрен рус телендә башкару», «Фронтовик язучыларның әсәрләрен татар телендә башкару», Фронтовик язучыларның әсәрләрен рус телендә башкару», Фронтовик язучыларның әсәрләрен күмәк башкару», «Яшь җәлилчеләр» номинацияләрендә уздырыла.

Бәйгедә катнашу өчен билгеләнгән формада гаризаларны 14 февральгә кадәр salavatarakaevo@mail.ru электрон почтасына җибәрергә кирәк.

Тулы мәгълүмат һәм гариза формасы – Бәйге турында нигезләмәдә.

autoscroll_news_right_240_400_1
autoscroll_news_right_240_400_2
news_bot_970_100