Лаеш самбочылары призлы урыннар алды

Фәридә Эбрахим 59 килограммга кадәр авырлык категориясендә алтын медаль яулады.

(Лаеш, 28 март, «Татар-информ», «Кама ягы», Надежда Ихсанова). Яшел Үзән районының Васильево бистәсендә 2006-2007 елгы егетләр һәм кызлар арасында самбо буенча Татарстан Республикасы беренчелеге узды. Лаеш районы балалар һәм үсмерләр спорт мәктәбендә тәрбияләнүчеләр призлы урыннар алды. Бу турыда район басмасы хәбәр итә.

Ярышларда Татарстан шәһәрләре һәм районнарыннан 270тән артык спортчы катнашты.

Фәридә Эбрахим 59 килограммга кадәр авырлык категориясендә алтын медаль яулады. Басант Эбрахим 55 килограммга кадәр авырлык категориясендә өченче булды. Игорь Желтов 38 килограммга кадәр авырлык категориясендә өченче урынны алды. Яшь самбочылар белән Роберт Борһанов, Рамил Галиәкбәров һәм Рөстәм Насыйбуллин шөгыльләнә.