Казанда нәфис гимнастика буенча Татарстан чемпионаты һәм беренчелеге була
Турнирдан соң Татарстанның җыелма командасы составы яңартыла.
Скопировать ссылку
(Казан, 26 ноябрь, «Татар-информ»). 1-4 декабрьдә Казанда нәфис гимнастика буенча Татарстан чемпионаты һәм беренчелеге узачак. Ярыш нәтиҗәләре буенча республиканың иң көчле спортчылары ачыкланачак, шулай ук Бөтенроссия дәрәҗәсендә чыгыш ясау өчен Татарстанның җыелма командасы яңартылачак. Бу турыда Татарстан Спорт министрлыгының матбугат хезмәте хәбәр итте.
Турнирда республиканың төрле шәһәрләреннән — Әлмәт, Алабуга, Лениногорск, Түбән Кама һәм Болгардан 550 спортчы кыз катнаша.
Эпидемиологик вәзгыятькә бәйле рәвештә чемпионат һәм беренчелек тамашачылардан башка узачак.
Ярышлар 9.00-19.00 сәгатьтләрдә Гимнастика үзәгендә була.