Әлмәт боксчылары Казахстанда халыкара турнирда алдынгы урыннарга ия булган

Турнирда Россия, Белоруссия, Казахстан, Үзбәкстан кебек илләрдән йөздән артык спортчы катнашты.

(Әлмәт, 23 октябрь, "Татар-информ", "Әлмәт таңнары"). 16-20 октябрь көннәрендә Казахстан Республикасы Аксай шәһәрендә яшүсмерләр һәм яшүсмерләр арасында бокс буенча халыкара турнир узды. Әлмәт боксчылары бу ярышларда уңышлы гына чыгыш ясап, алдынгы урыннарга ия булды. Бу турыда "Әлмәт таңнары" газетасы сайтында хәбәр ителә. 

Турнирда Россия, Белоруссия, Казахстан, Үзбәкстан кебек илләрдән йөздән артык спортчы катнашты. Әлмәт шәһәре данын "Девон-Юность" бокс клубында тәрбияләнүче спортчылар яклады.

Ярыш нәтиҗәләре буенча 52 кг авырлык категориясендә Хазар Мехтизаде өченче, 32 кг авырлык категориясендә Кирилл Корестелев икенче урынга ия булды. Илдан Шәңгәрәев 38 кг авырлык категориясе буенча беренче урынны яулады.

Егетләр “Девон-Юность” бокс клубында тренерлары Р.Низамиев һәм С.Бормотов җитәкчелегендә шөгыльләнә.