Заһитова катнашындагы «Ледниковый период»ның яңа чыгарылышы 3 октябрьдә күрсәтеләчәк

Фигуралы шуу остасы телешоуда төшү өчен 12-13 сентябрьдә фигуралы шуу буенча Россия җыелма командасының контроль шууларыннан баш тартты.

(Казан, 22 сентябрь, «Татар-информ»). «Ледниковый период» проекты юбилей чыгарылышының эфирга чыгу көне һәм вакыты билгеле булды. Аны фигуралы шуу буенча Олимпия чемпионнары Алексей Ягудин һәм Алинә Заһитова алып барачак.

Яңа сезонның беренче чыгарылышы киләсе шимбәдә, 3 октябрьдә, 17.20 сәгатьтә “Беренче канал”да күрсәтеләчәк.

Алинә Заһитова телешоуда төшү өчен 12-13 сентябрьдә фигуралы шуу буенча Россия җыелма командасының контроль шууларыннан баш тартты.