Әлмәт спортчылары бокс турнирында катнаштылар

Турнир 2001-2002 елгылар арасында Соль-Илецкида үтте.

(Әлмәт, 22 август, "Татар-информ", "Әлмәт таңнары"). Әлмәт спортчылары халык мәгарифе отличнигы, Бөек Ватан сугышында катнашкан И.С.Шишкин истәлегенә уздырылган “Б” классы буенча бокс турнирында катнаштылар, дип яза җирле басма.

Турнир 2001-2002 елгылар арасында Соль-Илецкида үтте. Илнең төрле өлкә, республикаларыннан җыелган 118 иң оста спортчы арасында әлмәтлеләр дә бар иде. Татарстан данын яклап чыгыш ясаган 11 боксчының 5 есен Әлмәтнең “Девон-Юность” клубы тренер Раджив Низамиев шәкертләре тәшкил итте. Якташыбыз Виталий Сергеев бронза яулады. Калганнар да лаеклы чыгыш ясады. Татарстан командасы турнирдан ике бронза һәм ике көмеш белән кайтты.