Бүген “Ак Барс” “Трактор”ны кабул итә

Ил чемпионаты кысаларында командалар үзара 54 очрашу үткәрде: казанлылар 22 җиңү яулады, 7 уен бер якның да җиңмәве һәм 25е җиңелү белән тәмамланды
(Казан, 20 октябрь, «Татар-информ»). Бүген Казанда “Ак Барс” КХЛ чемпионатының чираттагы матчы – Россия Ачык чемпионатында Чиләбенең “Трактор”ы белән очраша.
Уен “Татанефть-арена” боз сараенда 19 сәгатьтә башлана.
Узган сезонда көндәшләр ике тапкыр очраштылар. Чиләбедә “Тарактор” 4:1 исәбе белән отты, Казанда “Ак Барс” 6:2 исәбе белән җиңүгә иреште. Командалар ил чемпионаты кысаларында барлыгы 54 очрашу оештырды. Казанлылар 22 җиңү яулады, 7 уен бер якның да җиңмәве һәм 25е җиңелү белән тәмамланды, дип искә төшереп үтә “Ак Барс”ның матбугат хезмәте.
Түбән Камада “Трактор” соңгы матчында 5:2 исәбе белән җиңелде.