Розалия Насретдинова 50 м га баттерфляй белән йөзүдә яшүсмерләр Олимпиадасында “алтын” яулады

(Казан, 20 август, “Татар-информ”). Бүген Нанкинда (Кытай) II җәйге яшүсмерләр Олимпия уеннарында Россия кызы Розалия Насретдинова 50 м га баттерфляй белән йөзүдә “алтын” яулаган. Аның нәтиҗәсе 26,26 секунд булган.

“Көмеш” Швейцария спортчысы – Свеня Штоффельда, “бронза” словенияле Настя Говейсек кулында, дип хәбәр итә “Весь спорт”.