«Ак Барс» хоккей клубы әләме космоста булды

Ак барс сурәте төшерелгән флаг Җир орбитасына Халыкара космик станциянең 55 нче экспедициясендә катнашучылар белән бергә китте.

(Казан, 20 февраль, «Татар-информ»). «Союз МС-07» космик корабы командиры Антон Шкаплеров «Ак Барс» хоккей клубы әләмен космоска алып китте. Бу хакта Казан командасының матбугат хезмәтеннән хәбәр иттеләр.

Халыкара космик станциягә чираттагы экспедиция 2017 елның 17 декабрендә старт алды. Ак барс сурәте төшерелгән байрак Җир орбитасына Халыкара космик станциянең 55 нче экспедициясендә катнашучылар белән бергә юл тотты.