Виталий Мутко Россия футбол берлеге президенты вазифасыннан китте

Чираттан тыш сайлауга кадәр президент вазифаларын Россиянең футбол премьер-лигасы башлыгы Сергей Прядкин башкарачак.

(Казан, 19 декабрь, "Татар-информ"). Виталий Мутко Россия футбол берлеге (РФС) президенты постыннан китте. Бу турыда "Интерфакс" агентлыгы хәбәр итте.

2019 елның февраленә кадәр президент вазифаларын Россиянең футбол премьер-лигасы башлыгы Сергей Прядкин башкарачак.

22 февральдә РФСның чираттан тыш хисап-сайлау конференциясе була. Яңа президенты шул вакытта сайлыйлар, диелгән әлеге хәбәрдә.