Актанышта җәйге авыл спорт уеннарын оештыручылар һәм тренерлар бүләкләнде

Аларга Актаныш район башлыгы Энгель Фәттахов Рәхмәт хаты тапшырды.

(Актаныш, 19 сентябрь, "Татар-информ", "Актаныш таңнары"). 10-14 сентябрьдә Актаныш районында “Авыл яшьләре” ХI җәйге авыл спорт уеннарын оештыручыларга, тренерларга Актаныш район башлыгы Энгель Фәттахов Рәхмәт хаты тапшырды. Бу турыда Актаныш муниципаль районының мәгълүмат үзәге хәбәр итә.

Актаныш район башкарма комитетының Яшьләр белән эшләү, спорт һәм туризм бүлеге җитәкчесе Айдар Иманаев Актаныш район башлыгының Мактау кәгазе белән бүләкләнде.