Лениногорск акробатлары Россиякүләм ярышларда уңышлы чыгыш ясады

Акробатлар Андрей Хәйретдинов белән Артем Иванов ир-егетләр пары буенча 12-18 яшьлекләр арасында беренче урынны алдылар.

(Лениногорск, 17 октябрь , “Татар-информ”, “Заман сулышы”). Күптән түгел ерак Горно-Алтайскида спорт акробатикасы буенча бөтенроссия ярышлары узды. Лениногорск шәһәренең 1нче спорт мәктәбенә йөрүче акробатлар призлы урыннар яулап кайтты, дип хәбәр итә “Заман сулышы” газеты.

Акробатлар Андрей Хәйретдинов белән Артем Иванов ир-егетләр пары буенча 12-18 яшьлекләр арасында беренче урынны алдылар. Катнаш парларда: Алина Әблиева белән Иван Хромов пьедесталның өченче баскычында. Алтай Хөкүмәте призына үткәрелгән ярышларда безнең акробатчылар Россия спорт мастеры нормативын үтәделәр.