“Казаночка” иптәшләрчә матчта Ногинскидан “Спартак”ны җиңде

Исәп 61:50

 (Казан, 15 сентябрь, «Татар-информ»). “Казаночка” баскетбол командасының киләсе сезонга әзерлек чоры артта калды: хәзер команда иптәшләрчә матчларда һәм турнирларда үз көчен сыный.

“Казаночка” өченче җыенын Литваның Друскининкай шәһәрендә үткәрә, турнир Премьер-лига командалары катнашында уза. Казан кызлары Балтыйк буена барганда Ногинск “Спартак” командасы белән очрашты. Командалар үзара бәйле, чөнки Мария Шаманина Казан клубына нәкъ шул командадан күчте, ә яңа уенчы Ольга Сизякова узган сезонда Ногинск өчен уйнады. Көндәшләр составында “Казаночка” составында Суперлига чемпионкасы булган Галина Першина бар иде.

Матч яхшы дәрәҗәдә узды, Дмитрий Шувагин уенчылары 61:50 исәбе белән җиңү яулады, дип хәбәр итә команда матбугат хезмәте.