Аксубайлылар озын нардалар уены буенча Татарстанның иң көчлеләр бишлегенә кергән

Районның ике спортчы да якын арада Сочида үтәчәк Россия чемпионатына барырга җыена.

(Аксубай, 15 май, "Татар-информ", "Авыл таңнары", Зинаида Леонтьева). Озын нардалар уены буенча Түбән Каманың ачык чемпионатында республиканың иң яхшы нард уйнаучылары, шул исәптән Аксубай вәкилләре дә катнашты.  Аксубайлылар Татарстанның иң көчле бишлегенә керде. Бу турыда җирле басма хәбәр итә.

Турнирның төп фавориты Тимур Мәгыйзов иде, әмма стартта ук ул ике җиңелүгә дучар булды һәм һәр киләсе тур аның өчен уеннан чыгу чигендә булды.

Беренче өч турда җиңеп, Адель Купцов турнирны көтмәгәндә бик уңышлы башлап җибәрде һәм лидерлыкны яулады. Турнирның финишында Тимур дүртенче урынны алды, ә Адель Купцов финалга чыгу өчен уйнады. Җиңелүгә карамастан, соңгысы мондый дәрәҗәле ярышта беренче тапкыр бронза яулады.

Районның ике спортчы да якын арада Сочида үтәчәк Россия чемпионатына барырга җыена.