Краснодар Сабан туеның узган елгы батыры быел да беренчелекне бирмәде

Татарча көрәш ярышында спортчылар барлык үлчәү авырлыкларында да көч сынашкан.
(Казан, 15 май, "Татар-информ"). Краснодар Сабан туеның узган елгы батыры быел да беренчелекне бирмәде. Крайның "Булгар-К" татар яшьләре оешмасы хәбәр итүенчә, милли бәйрәмдә Татарстаннан гына түгел, ә Мәскәү, Карачай-Черкес, Ростов-на-Дону, Дружба, Ейск, Новороссийск, Лазарево җирлекләреннән дә татарлар кунак булган. 
 
Бәйрәмнең бизәге булган татарча көрәш ярышында спортчылар барлык үлчәү авырлыкларында да көч сынашкан. Быел да, 2017 елдагы кебек үк, Сабан туеның баш батыры исемен исә көрәш буенча Дөнья чемпионы Таһир Хуҗагалиев яулаган.