Аксубай егете шахмат буенча Татарстанның 2018 ел чемпионы булды

Ул мөмкин булган 9 очконың барысын да отты.

(Аксубай, 12 февраль, "Татар-информ", "Авыл таңнары"). Казанда вуз укытучылары һәм хезмәткәрләре арасында Татарстан Республикасы беренчелеге үтте. Бу җиңел булмаган уеннарда Аксубай егете – техник фәннәр кандидаты Адель Купцов уйнаган технология университеты командасы җиңү яулады, дип яза җирле басма. 

Ул мөмкин булган 9 очконың барысын да отып, искиткеч нәтиҗә күрсәтте. шулай итеп, Адель шахмат буенча Татарстанның 2018 ел чемпионы булды.