Азнакайда спорт белән 20 448 кеше актив шөгыльләнә

Бу - халыкның 32 проценты

 (Казан, 11 декабрь, “Татар-информ”). Азнакайда атналык киңәшмәдә районның физкультура, спорт һәм туризм идарәсе тарафыннан башкарылган чаралар, һәм спорттагы нәтиҗәләр белән идарә җитәкчесе Рәфис Миңнеханов таныштырды.

Бүгенге көндә 20448 азнакайлы актив спорт белән шөгыльләнә, бу халыкның 32 проценты дигән сүз.

Район башлыгы киләчәктә спортка тагын да күбрәк кешене тартырга һәм балаларны кечкенәдән физкультура белән шөгыльләнергә өйрәтергә кирәклеген ассызыклады.

Моның өчен җирлектә барлык мөмкинлекләр дә булдырылган, спорт объектлары үз көченә эшли, дип хәбәр итә “Маяк” газетасы.