Татарстан һәвәскәр теннисчылары башкортстанлы көндәшләрен өченче дерби матчында отты

Ике команданың киләсе уены Лениногорскида булачак.

(Казан, 11 июль, "Татар-информ"). Татарстан һәвәскәр теннисчылары, башкортстанлы көндәшләрен җиңеп, Казанга күчмә кубок алып кайтты, дип хәбәр итә республикадагы Теннис Федерациясе.

Парлы матчлар форматындагы очрашу узган ялларда Уфада узды. Ул ике җыелма команданың өченче уены булды. Гомуми исәп нәтиҗәсе – 2:1.

Татар-башкорт дербисының киләсе матчы Лениногорскида булачак.