Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
WADA санкцияләре Казанга Европа турнирларын кабул итүгә комачауламаячак
Татарстан башкаласы 2021 елда суда кыска арада йөзү буенча Европа чемпионатын һәм 2024 елда спортның су төрләре буенча Европа беренчелеген кабул итәчәк.
(Казан, 9 декабрь, «Татар-информ», Диана Авакян). Бөтендөнья допингка каршы агентлык башкарма комитетының (WADA) Россияне дүрт елга халыкара спорт турнирларында катнашудан тыю карары 2021 һәм 2024 елларда Казан планнарына йогынты ясамаячак. Бу хакта «Татар-информ»га Татарстан спорт министры Владимир Леонов сөйләде.
«Без имзаланган контрактлар кысаларында эшлибез. Шуңа күрә барысы да план буенча, берни дә күчерелми. Бу ярышларны уздырачакбыз», - диде ул.
Казан 2021 елда суда кыска арада йөзү буенча Европа чемпионатын һәм 2024 елда су спорт төрләре буенча Европа беренчелеген уздырачак.
Россиянең дүрт елга зур халыкара ярышлардан читләшүе дөнья спортына авыр тәэсир итәчәк, дип белдерде «Татар-информ»га Татарстаннан Россия Дәүләт Думасы депутаты Ирек Зиннуров.
Кызыклы яңалыкларны күзәтеп бару өчен Телеграм-каналга язылыгыз