Данис Зариповка Милли хоккей лигасы клубы килешү тәкъдим иткән

Хоккейчы «Сент-Луис Блюз» клубы өчен чыгыш ясарга мөмкин.

(Казан, 8 ноябрь, «Татар-информ», Фәрит Салихов). Хоккейчы Данис Зариповка Милли хоккей лигасында чыгыш ясаучы «Сент-Луис Блюз» клубы килешү тәкъдим иткән. Бу хакта хоккейчы үзе «Р-Спорт» хәбәрчесенә җиткергән.

«Сент Луис»тан тәкъдим булды, әлегә бу сөйләшүләр генә. Бу хакта артыгын сөйлисе килми», – дигән Данис Зарипов.

Исегезгә төшерәбез, 36 яшьлек Данис Зарипов допинг аркасында Халыкара хоккей федерациясе (IIHF) тарафыннан уеннардан читләштерелгән иде. Әмма август азагында Милли хоккей лигасы аңа үзендә уйнарга рөхсәт итте.