Киләсе елда Казанда киберспорт буенча дөнья чемпионаты узарга мөмкин

Турнирны уздыру өчен беренчел мәйданы дип, Владимир Леонов “ТатнефтьАрена”ны атады.

(Казан, 8 июнь, “Татар-информ”, Диана Авакян). Киләсе елда Казан Киберспорт буенча дөнья лигасын кабул итәргә планлаштыра. Бу хакта “Татар-информ”га Петербург Халыкара икътисади форумы киңлекләрендә Татарстанның спорт министры Владимир Леонов сөйләде.

“Форумда киберспорт белән бәйле бик күп юнәлешләр бар. Киләсе 2020 елда Казанда зур турнир - Киберспорт буенча дөнья лигасын уздыру буенча тәкъдимнәр бар. Әлеге мәсьәлә буенча Киберспорт федерациясе белән сөйләшүләр булды”, - диде Леонов.

Турнирны уздыу өчен беренчел мәйданчык дип, министр “Татнефть Арена”ны атады. “Ул сыйдырышлык буенча да, форматы буенча да тулысынча канәгатьләндерә. Чөнки чараны уздыру мәйданчыгы ябык булырга тиеш”, - иде Владимир Леонов.