Кукмаралылар республика чемпионатында беренче урынны алды

Кукмараның "Аргамак" командасы мөмкинлекләре чикләнгәннәр арасында республика чемпионатында катнашты.

(Кукмара, 7 октябрь, "Татар-информ", "Хезмәт даны"). Әлмәт шәһәрендә күрү буенча мөмкинлекләре чикләнгәннәр арасында мини-футбол буенча республика чемпионаты үтте, дип яза kukmor-rt.ru.

Анда Кукмараның "Аргамак" командасы беренче урынны алды. Составында Рәис Шакиров, Мөнир Гыймадиев, Тимур Антипов (Кукмара), Райнур Әсхадуллин (Ядегәр), Валерий Николаев (Ош.Юмья), Рамил Фәйзрахмановлар (Чишмәбаш) булган команданы ярышка тренер Дамир Галиәхмәтов әзерләде.