Леонов Казанда йөзү буенча Россия чемпионатын уздыру планнары турында сөйләде
Спорт министры трибуналарда тамашачылар саны турындагы мәсьәлә әле хәл ителмәгән, диде.
Скопировать ссылку
(Казан, 6 август, «Татар-информ», Артур Шипилов). ТР Спорт министры Владимир Леонов «Татар-информ» мәгълүмат агентлыгында узган матбугат конференциясендә Казанда йөзү буенча Россия чемпионатын уздыру планнары турында сөйләде.
«Ноябрьдә яздан күчерелгән зур суда йөзү буенча Россия чемпионатын уздырырга планлаштырабыз, суга сикерү буенча кайбер чаралар, һәрхәлдә, ТР Президенты Кубогы бар, без аны гадәттә Яңа ел алдыннан уздырабыз», — дип хәбәр итте министр.
Шуңа өстәп, Леонов җанатарлар темасын да кузгатты. Ул: «Тамашачылар саны турындагы мәсьәлә хәл ителмәгән, әмма без барысын да булдырырбыз дип уйлыйм», - диде.