Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда БДБ илләре уеннарын үткәрү вакытын күчерү планлаштырылмый
Россия спорт министры Олег Матыцин сүзләренә караганда, ярышлар 2020 елның 4-11 сентябрь көннәрендә узарга тиеш.
(Казан, 6 июль, «Татар-информ»). 2020 елгы БДБ илләре уеннарын график нигезендә үткәрү планлаштырыла, ярышларны башка вакытка күчерү әлегә каралмый. Бу хакта Россия спорт министры Олег Матыцин БДБ илләрендәге беренче уеннарга әзерлек һәм аны уздыру мәсьәләләре буенча БДБ дәүләтләренең физик культура һәм спорт белән идарә итү дәүләт органнары җитәкчеләре киңәшмәсендә әйтте. ТАСС агентлыгы шул хакта язды.
«Без уеннарны 4-11 сентябрьдә үткәрергә планлаштырабыз, хәзерге вакытта үзгәрешләр көтелми. Транспортка килгәндә, катнашучыларның чартер рейслары белән килүе, мөгаен, оптималь карар булыр. Әлбәттә, без кешеләр чартер рейслар белән бер үк көнне килеп, бер үк көнне китсен өчен кулдан килгәннең барысын да эшләячәкбез», — ди Матыцин.
БДБ илләренең беренче уеннары 2020 елның 20-27 августында Казанда узар дип ниятләнгән иде. 22 спорт төре буенча ярышларда 14-23 яшьлек спортчылар катнашыр дип көтелә. 280 комплект медаль уйнату планлаштырыла.
Катлаулы эпидемиологик вазгыять аркасында уеннарны сентябрьгә күчерү тәкъдиме эшләнде. Хәзерге вакытта ярышларны уздыру бу елның 4-11 сентябрь көннәренә планлаштырылган.
Кызыклы яңалыкларны күзәтеп бару өчен Телеграм-каналга язылыгыз