Чирмешәндә ир-атлар арасында волейбол буенча чемпионат җиңүчеләрен бүләкләделәр
Җиңүчеләргә кубок, грамоталар һәм акчалата премияләр бирделәр.
Скопировать ссылку
(Чирмешән, 6 март, «Татар-информ», «Безнең Чирмешән», Кадрия Гамирова). Чирмешән районында иң оста волейбол уйнаучы ир-егетләр командасы ачыкланды.
Күтәмә авыл җирлеге командысы беренче урын алды, алар 25 мең сумга ия булды. Икенче урын алган Электр челтәрләре командасына 20 мең сум, алардан бераз гына калышып, өченчегә чыккан түбәнкәминкәлеләргә 15 мең, дүртенче урын ияләре — район үзәк хастаханәсе командасына 10 мең сум күләмендә акчалата бүләк тапшырылды.
Район чемпионатында 17 команда катнашты. Җиңүчеләргә кубок, грамоталар һәм акчалата премияләр бирделәр.
Бу көннәрдә бәйге хатын-кызлар арасында дәвам итә.