Мөслимдә футбол уйнаучы командалар арасында җиңүчеләр билгеләнде

1 урында - массакүләм спорт һәм мәдәни чаралар дирекциясе.

(Мөслим, 4 май, "Татар-информ", "Авыл утлары"). Мөслимдә Рухи-әхлакый үсеш елы кысаларында ир-атлар арасында Яз һәм хезмәт бәйрәменә багышланган футбол ярышы үтте. Әлеге ярышта 6 команда катнашты, җиңүчеләр билгеләнде. Бу турыда җирле басма хәбәр итә.

1 урында - массакүләм спорт һәм мәдәни чаралар дирекциясе, 2 урында - "Аякс", 3 урында - район үзәге командасы. "Уенның иң яхшы уенчысы" исемен Шамил Мирсалихов, "Иң яхшы капкачы" исемен Радик Кәшбиев алды. Иң яхшы сакчы булып Илмаз Авзалов танылды.

Җиңүче командалар грамота һәм медальлар белән бүләкләнде.