Кукмара чаңгычылары Ижевскидан медальләр белән кайтты

Слалом-гигант төрендә үз яшьтәшләре арасында Әмир Гайнанов җиңүче булды.

 (Кукмара, 3 февраль, "Татар-информ", "Хезмәт даны"). Ижевск каласында тау чаңгысы спорты буенча "Удмуртиянең Олимпия ышанычлары" дип аталган республика ярышы үтте. Анда Кукмараның "Зилант" спорт мәктәбендә шөгыльләнүчеләр дә катнашты, дип яза "Хезмәт даны" газетасы.

Слалом-гигант төрендә үз яшьтәшләре арасында Әмир Гайнанов җиңүче булды, Азалия Нуриева икенче урынны, Әнис Нуриев өченче урынны алды. Слалом комбинациясе төрендә Әмир шулай ук алтын медальгә ия булды. Спортчы егетләр барысы да күппрофильле лицейда белем алалар.