Татарстан командасы Самара өлкәсендә билбау көрәше турнирында икенче урын алды

Командалар арасында беренче урынны Самара өлкәсе, өченче урынны Башкортстан командасы алган.

(Казан, 2 октябрь, «Татар-информ»). 27- 28 сентябрь көннәрендә Самара өлкәсе Шенталы районының Четырла авылында билбау көрәше буенча турнир узды. Татарстан көрәшечеләре командасы икенче урын яулады. Бу хакта «Самара татарлары» сайтында хәбәр ителә.

Ярышларга Самара өлкәсе, Башкортстан, Татарстан, Чувашстан республикалары спортчылары килгән. Барлыгы 80 көрәшче бил алышкан.

Турнир балалар һәм олылар арасында унбиш авырлык категориясендә шәхси һәм команда зачетында үтте.

Командалар арасында беренче урынны Самара өлкәсе алды. Икенче урынны Татарстан Республикасы, өченче урынны Башкортстан Республикасы командалары яулады., диелә хәбәрдә.

Чарада Шенталы муниципаль районы башлыгы А. М.Лемаев, Четырла авыл җирлеге башлыгы А. Н.Сидоров, генерал-майор Н. А.Сидоров, Чабаксар шәһәренең «Көрәш» төбәкара Федерациясе Президенты, спорт мастеры В. П. Васильев, Самара төбәк «Десантчылар һәм махсус билгеләнү бүлекчәләре берлеге» ветераннар иҗтимагый оешмасы идарәсе рәисе урынбасары Р. Н. Нишанов катнашкан.