Эдуард Латыйпов спринт ярышларында Россия чемпионы булды

10 километр дистанцияне ул 24 минут 15,7 секундта узды.

(Казан, 2 август, «Татар-информ»).  Россия җыелма командасы спортчысы Эдуард Латыйпов ир-атлар спринтында җиңү яулады.

«Самара татарлары» сайтында хәбәр ителгәнчә, 10 километр дистанцияне ул 24 минут 15,7 секунд эчендә узды.

Спринт ярышлары 27 июльдә җәйге биатлон буенча Россия чемпионаты кысаларында узды.

Исегезгә төшерәбез, быел Россиянең җәйге чемпионаты ике этапта узачак. Беренче этап хәзер Деминода (Ярославль өлкәсе) уза, ә икенче этап Төмәндә 23-26 сентябрьдә була.