Рөстәм Миңнеханов Татарстан командаларының матчы алдыннан «сакал киеп карады»

ТР Президенты Татарстан хоккей командаларын хуплады, аларга КХЛның беренче раундында очрашырга туры киләчәк

(Казан, 2 март, «Татар-информ»). Татарстан Республикасы Президенты Рөстәм Миңнеханов үзенең Инстаграмында шаян видео урнаштырды. Ул шулай итеп, бүген КХЛның плей-оффында очрашачак Татарстанның «Ак Барс» һәм «Нефтехимик» командаларын хуплады.

Видеода Рөстәм Миңнеханов хоккей формасында, сакаллы икәнлеге күренә. Сакал — иске хоккей хорафаты, аңа ышанып, хоккейчылар матчлар вакытында кырынмый башлый.