Татарстан спортчылары кул көрәше буенча дөнья чемпионатында җиде медаль яулады

Румыниядә уза торган турнирда Түбән Кама муниципаль районының «Динамо» спорт мәктәбендә тәрбияләнүчеләр катнаша.

(Казан, 1 декабрь, «Татар-информ»). 24 ноябрьдән 3 декабрьгә кадәр Бухарестта (Румыния) кул көрәше буенча дөнья чемпионаты һәм беренчелеге уза. Бүгенге көндә Татарстан спортчылары 7 медаль яулады.

Ярышларда ТР Түбән Кама муниципаль районының «Динамо» спорт мәктәбендә тәрбияләнүчеләр катнашты. Бу турыда Татарстанның Спорт министрлыгы хәбәр итте.

Нәтиҗәләр:

Сул кул белән:

  • 3 урын — Урезов Владислав, 60 кг га кадәр авырлык категориясе, 14-15 яшь;
  • 3 урын — Куликов Ярослав, 70 кг нан артык авырлык категориясе, 14-15 яшь;
  • 3 урын — Хәйбуллин Айрат, 50 кг га кадәр авырлык категориясе, 16-18 яшь;
  • 4 урын — Волкова Марта, 70 кг нан артык авырлык категориясе, 14-15 яшь.

Уң кул белән:

  • 1 урын — Хәйбуллин Айрат, 50 кг га кадәр авырлык категориясе, 16-18 яшьлекләр категориясе;
  • 1 урын — Волкова март, 70 кг нан артык авырлык категориясе, 14-15 яшь;
  • 2 урын — Куликов Ярослав, 70 кг нан артык авырлык категориясе, 14-15 яшь;
  • 3 урын — Волкова Софья, 70 кг дан артык авырлык, 19-21 яшь категориясе.
  • 7 урын — Уразов Владислав, 60 кг га кадәр авырлык категориясе, 14-15 яшь;