Әгерҗенең футболчы кызлары алтын медаль яулады

Россия күләмендә уздырылучы "Мәктәпкә – мини-футбол" ярышының республика этабы төгәлләнде.

(Әгерҗе, 1 февраль, “Татар-информ”, “Әгерҗе хәбәрләре”). Россия күләмендә уздырылучы “Мәктәпкә – мини-футбол" ярышының республика этабы төгәлләнде. Әгерҗе шәһәренең 2 нче мәктәбендә тренер Илдар Идиятов җитәкчелегендә футбол белән шөгыльләнүче кызлар республика ярышыннан алтын медаль яулап кайттылар, дип яза районның “Әгерҗе хәбәрләре” газетасы.

Алар хәзер Түбән Новгородта Идел буе федераль округында Татарстан данын яклаячаклар.